АВЛИГАТАЙ ТЭМЦЭХ ГАЗРААС ОНЛАЙН СУРГАЛТ ЗОХИОН БАЙГУУЛАВ
Авлигатай тэмцэх газрын Хяналт шалгалт, дүн шинжилгээний хэлтсээс аймгуудын эрх бүхий албан тушаалтнуудад зориулсан онлайн сургалтыг өнөөдөр Баян-Өлгий аймгийн эрх бүхий албан тушаалтнуудад аймгийн Иргэний танхимд онлайн сургалт зохион байгуулав.
Тус сургалтаар хувийн ашиг сонирхлын урьдчилсан мэдүүлэг /ХАСУМ/, хувийн ашиг сонирхол, хөрөнгө орлогын мэдүүлэг /ХАСХОМ/-ийг мэдүүлэх тухай эрх зүйн зохицуулалт, анхаарах асуудал, хяналт шалгалтын үйл ажиллагаа болон мэдүүлгийн цахим системийн өөрчлөлт, шинэчлэлт, авлигын шалтгаан нөхцөл, авлига ашиг сонирхлын зөрчлийн талаарх өргөдөл, гомдлын хяналт шалгалтын үйл ажиллагааны талаарх сургалтуудыг бүтэн өдрийн турш зохион байгуулав.
